عيون الغزال ( بنيه )

فرقت عيون الصقر في تبويعه ..
في بنيه رينا

عيون ذبايل ..
غدارات فارطهن يهودي دايل ..
رزني معاي مخلفات علايل ..
عيون لبنيه والقد والتدليعة ..
بطول النهار ونا مثيل السايل ..
نشرحلها ف الحال بتبوديعة ..
شكيت وبكيت ودرت كل عمايل ..
وما نفعت فيها يا قرين نفيعة ..
ولا اتريد تقسملي مغير انحايل ..
كيف من امصارع شخص موش قريعة

عيون عوادي ..
مجتن امعاي وحارقات فوادي ..
جميلة بلا مكياج بنت بوادي ..
كيف ماخلق ربي جمال طبيعة ..
ولها دور نقض ع الكتوف نضادي ..
سبحانه اللي قدرت علي تفريعه ..

ريته تجول ..
بين المكاتب في أوراق اتحول ..
خايف علي قصقالها يطول ..
أمين عدل تلفالي وراها صيعة ..
نسيب العمل نبقى لها نسول ..
وماعد نقضي ف البلاد نفيعة ..
نشرد نخون أمانتي نتحول ..
لمجرم ونا قاري زمان شريعة ..
ويزحف علي الشعب زحفه لول ..
ويسير ف البلاد عياط وتقربيعة ..
ولوكان غير تقسملي فديم امهول ..
علي شانها غالي السوم انبيعه